Charla sobre os efectos dos herbicidas

O vindeiro venres dia 18 de marzo ás 20.30 horas, impartirase na escola infantil de Chan de Brito unha charla informativa organizada pola agrupación "Comando Ghichas"e a "Asociación Chandebrito 1807" que tratará os efectos nocivos derivados do uso de herbicidas.

A charla impartirase polo doutor en bioloxía César Lema Costas, veciño do Val Miñor.

Con esta actividade, preténdese concienciar ás persoas para que fagan un uso racional deste tipo de produtos químicos, xa que o glifosato, tan utilizado en todo tipo de solos e de xeito indiscriminado, está no punto de mira ao considerarse posible canceríxeno.